Kryeministri Edi Rama ishte sot i pranishëm në konkursin e masterplanit për zhvillimin e zonës tek ish-Cirku në qendër të Tiranës.
Në këtë projekt garojnë 6 studio të arkitekturës moderne.
Nga të pranishmit fjalën e mori edhe ish-deputeti i Partisë Demokratike, biznesmeni Astrit Veliaj e cili nuk nguroi të lavdëronte kyeministrin Rama se si e ka ndryshuar Tiranën dhe Shqipërinë.
Ish-deputeti Veliaj në fjalën e tij tha se Shqipëria dhe Tirana po merr fizionominë e kryeministrit Rama.
Sipas Veliajt, kryeministri Rama është vizionar dhe transformues, që rri zgjuar për të bërë vepra të mëdha.
Kujtojmë se ish-deputeti i PD Astrit Veliaj, njëherësh dhe presidenti i “Albanian University”, sipas mediave ka marrë sipërfaqen tokësore ku ndodhet çadra e Cirkut Kombëtar.
Sipas mediave, ish-deputeti-biznesmen, Astrit Veliaj nëpërmjet disa “akrobacive” ligjore, në gjykatën e Tiranës, KKKP dhe “cirkut” me pronarët e truallit, ka arritur të bëhet pronar i kësaj sipërfaqe toke”.
